Dipolog City-Adunay posibilidad nga tay-ogon sa makusog nga linog ang dakbayan sa Dipolog ug malagmit nga masubli ang nasinati niini sa milabay’ng mga katuigan nga kapin sa magnitude 5 .
Sa interview sa DXDR kang Mr. Felipe Mangila Jr. ang City Disaster Risk Reduction Management Officer iyang gipasabot nga tungod sa aktibo nga fault line sa Sindangan Zamboanga del Norte dili gayod makalikay ang dakbayan kon subli kini nga molihok
Ang Sindangan fault line nga nagbadlis hangtod moabot kini sa lungsod sa Molave Zamboanga del Sur ug kasikbit pa nga mga lungsod sa unang distrito sa nahisgutng probinsya nagpakita sa iyang pagka-aktibo niadtong 1954.
Hinoon ang kagamhanan sa Dipolog ug tibook probinsya sa Zamboanga del Norte kusganon ang pagpatuman sa nasudnong programa sa National Disaster Risk Reduction Management Council nga gipalig-on sa mga local government unit. I Edgar T. Dagumo
tag: wer weder, Edgar T. Dagumo
