Giklaro karon sa palasyo sa Malacañang nga may igo kining kapasikaran sa tumong pagpadeklara sa New Peoples Army (NPA) nga usaka ‘terrorist organization’ ug nga dili lamang Pilipinas ang unang nihimo ning maong klasipikasyon.
Sa gihimong news briefing, gisugilon ni Presidential Spokesperson Harry Roque nga dili makonsidera nga ‘red-baiting’ kun pagpang-harass kun pagpanglutos kun pag-persecute niadtong mga suspected Communist symphatizers ang ‘terror tag’ kontra sa NPA.
Segun ni Roque, kini pinasikad lamang sa appreciation sa ehekutibo nga tino nga walay sinseridad ang rebeldeng hut-ong nga bugtawon ang kalinaw gumikan sa nagpadayon nilang mga dugong pagpang-atake sa mga government targets ingon man mga private business entities sa nasud.
Sa pangutana kon dili ba kini maka-apekto sa peace initiative karon ni Davao City Mayor Inday Sara Duterte-Carpio alang sa prosesong gitawag nga ‘localized peacetalks,’ postura karon sa palasyo nga tugtan kini silbing usaka parallel track ug tinoon kung mamahimo bang epektibo.
“Baka pwedeng maging modelo at gawing lokal (ang peacetalks),” panghinapos nga pamahayag sa tigpamaba sa Malacañang.
RadyoMaN June Duterte
