Gihagit karon sa palasyo sa Malacanang ang nahibiling mga teroristang Maute nga motahan na sa ilang kaugalingon.
Sa news briefing sa palasyo, gibasa ni Presidential Spokesperson Ernie Abella ang panawagan ni Pres.Rodrigo Duterte nga buot sa kahamhanan nga matapos na ang buruka ug mobalik na sa normal ang kinabuhi sa war-torn area.
Pikas habin, main target karon sa hinapos nga combat operations sa Marawi City ang usaka Malaysian terrorist giila nga usaka ‘Dr. Mahmud.’
Segun kang AFP spokesperson Gen. Restituto Padilla, ang maong personalidad gituhuang ‘on the run’ na karon ug malagmit ma-neutralisa sa dili madugay.
Target usab sa kasundaluhan ug kapulisan mao ang pagsalbar sa nahibiling mga bihag sa Maute.
Si Mahmud gitudlo sa mga independent security sources nga maoy second-in-command sa grupong ISIS-Southeast Asia.
Hangyo usab sa mga awtoridad ngadto sa nasud nga hatagan sila ug higayon nga ciento por cientong ma-clearing ang war zone gikan sa mga unexploded explosives ug mga IEDs.
RadyoMan June Duterte
