Ginkondena sang Malacañang ang ikaduha nga pagpamomba sa Isulan, Sultan Kudarat.
Suno kay Presidential Spokesman Harry Roque, ila ginakasubo ang natabo kag napalab-ot na ini sa igtalupangod ni Presidente Duterte nga yara karon sa Israel para sa iya apat ka adlaw nga official visit .
“We strongly denounce the latest attack in Isulan, Sultan Kudarat. We are deeply saddened by the death of one innocent victim, per initial report, and pray for the swift recovery of those injured,” pahayag ni Presidential Spokesperson Harry Roque .
Naga-apela ang Palasyo sa mga taga Isulan nga i-report gilayon sa mga otoridad kon may makaduluda nga aktibidad sa ila lugar agud mapasabat ang yara sa likod sang pagpamomba kag mahatagan sang hustisya ang mga biktima.
Matandaan nga ginbasol sang mga otoridad sa mga miyembro sang Bangsamoro Islamic Freedom Fighters ukon BIFF ang mga pagpamomba sa Isulan.
Nahibaluan nga sadtong Agosto 28, may naglupok man nga improvised bomb sa Barangay Kalawag 3 kon sa diin, tatlo ka tawo ang patay samtang 36 ang pilason.
(photo from web)
