Ginakabig sang malakanyang nga isa ka welcome opportunity para kay Special Assistant to the President Christopher “Bong” Go ang hearing sang senado subong nga adlaw agud athagon ang pagkalamita sang iya ngalan sa frigate deal sang Philippine Navy.
Ginpahayag ni presidential Spokesman Harry Roque, lauman nga iga-plastar tanan ni Secretary Go sa isa ka bukas kag transparent nga senate inquiry.
Suno kay Roque nga katuyuan sini nga ipakita ni secretary Bong Go nga wala siya sang may ginatago bisan ang administrasyon kag handa nga sabton ang tanan nga palamangkutanon sa atubang sang publiko. /// Photo from web
Kadungan sini, ginpamilit ni Roque nga ang mga alegasyon batuk kay Go ang wala sang kamatuoran kag balasehan bangud Aquino administration pa ang nagpili sa Hyundai Heavy industries bilang supplier sang duha ka frigates kaupod ang boat supply, navigation, communications kag combat management systems.
