Nagpalab-ot sang pagpanginbulahan ang Malakanyang kay Catriona Gray matapos ginkilala bilang Miss Universe sa 67th Miss Universe 2018 pageant nga ginhiwat sa Bangkok, Thailand.
Suno kay Presidential Spokesman kag Chief Presidential Legal Counsel Salvador Panelo, saludo kag nagadayaw ang palasyo sa determinasyon ni Gray.
Suno kay Panelo, ginpakita ni Gray ang matuod nga kalidad sang Filipina beauty: confidence, grace, intelligence kag kaisog nga atubangon ang anuman nga pagtilaw sa kabuhi.
“Ms Gray truly made the entire Philippines proud when she sashayed on the global stage and showcased the genuine qualities defining a Filipina beauty: confidence, grace, intelligence and strength in the face of tough challenges,” pahayag ni Presidential Spokesman Salvador Panelo.
“Ms Gray’s triumph sets the bar high in empowering more Filipino women to believe in themselves and to fight for their own place in the universe. We salute and admire her victory,” dugang pa ni Panelo.
Ginpahayag ni Panelo nga ginpakita ni Gray nga ang mga babaye sa Pilipinas may abilidad agud himuon nga reyalidad ang mga handum pinaagi sa paghimakas, determinasyon kag passion.
(photo from web)
