Sa interbyu sa DXDC RMN Davao sa Malalag Municipal Police Station (MPS), gibutyag nga bag-ohay lamang adunay naaksidenteng forward truck ug 10-wheeler truck sa Barangay Tagansule, Malalag.
Matud sa pulis, nag-malfunction ang brake sa 10-wheeler truck rason nga nabanggaan niini ang likod sa forward. Hinuon, walay injured sa insidente ug nagkasabot ra usab nga mag-areglo ang duha ka kampo.
Aduna usay mga motor nga nagbangga sa maong Barangay apan walay na-injured. Samtang, laing self-accident ang natala sa lugar.
Panawagan sa kapulisan nga mag-doble amping ilabi na karong kapaskohan aron nga maselebrar nga malinawon ug layo sa disgrasya ang holiday season kauban ang pamilya.
“Maging extra careful lang po sila while travelling na dapat safety sila na makarating sa kanilang destination. Kung ano po yung traffic regulations, dapat sundin nila,” sulti sa pulis.
RadyoMaN Kirby Manzon
