Davao City – Naluwas na sa peligro ang gipusil nga welder sulod sa compound niini sa may Purok Narra, Barangay Poblacion, Malalag, Davao del Sur niadtong adlawng Dominggo.
Ang biktima giila sa kapulisan nga si Conrado Renehane Mirafuentes Jr., anyos ug nagpaalim na lang karon sa Davao del Sur Provincial Hospital.
Sa interbyu sa RMN Davao kang PLT Sandique Solaiman, Malalag Municipal Police Station OIC, nilusad na sila og hot pursuit operation batok gun man nga nipusil sa biktima.
Matud ni Solaiman, personal nga bangi ang gilantaw nga motibo sa pagpamusil ngadto sa biktima ug posibleng kaila sa biktima ang suspetsado.
Niadtong Dominggo, samtang nakigistorya ang biktima sa iyang asawa sulod sa ilahang compound, nipatim-aw ug gitawag sa suspek ang biktima ug pag-abot niini sa ilahang gate didto na kini gipusil ug daling nisibat ang suspek.
Narekober sa crime scene ang basyo sa .45 caliber sa pusil.
RadyoMaN Aimee Guinita
