NEGROS OCCIDENTAL – Pila ka madilag-on nga drug operation ang natigayon humalin Sabado tubtob Domingo sa probinsya.
Sa San Carlos City, mga P96,000 nga balor sang shabu ang narecover sang Nobyembre 2, las 5:30 ang takna sang hapon.
Nakuha ini kay Karl Ray Benito sa Rizal St., Barangay 3.
Magluwas sa shabu nakuha man ang pila ka mga drug paraphernalia kag motorsiklo.
Sa Barangay 35, Bacolod City sang Nobyembre 3, las 3:30 sang hapon, nakuha man ang shabu balor P180,000 kay Alexander Guevarra.
Sang Nobyembre 3, las 11:10 sang gab-i, mga P85,000 man nga shabu ang narecover gikan kay Carlito Deriada, 47 anyos sang Purok Sigay, Magsungay, Bacolod City.
Mga las 11:30 ka gab-i sa Ladlas Resort, Barangay Patag, Silay City gin-aresto sang Barangay Tanod pito ka mga lalaki matapos nakuhaan sang isa ka pack sang marijuana balor P500 pesos.
Dakop nga nagapot session amu sanday John Keneth Arricita, Wowie Gumapac, Jhon Vergel Mamerto, Jhon Vincent Santocildes, Rey Vincent Gumapac, Ezekiel Sumagaysay kag Kurt Cango.
Kaina naman las 4:30 sang hapon sa Purok Nami Nami II, Barangay Sum-ag, Bacolod City mga P12,000 man nga balor sang shabu ang narecover.
Nakuha ini kay Marjun Guillaran paagi sa buybust operation sang Station 9.
