Roxas City, Capiz – Tinguhaan sang Philippine Health Insurance Corporation(PhilHealth) nga mabayaran ang ila malapit P1 billion nga balance sa Philippine Red Cross (PRC) agud mabalik ang pag-conduct sang COVID-19 test nga gina-charge sa state health insurer.
Suno kay PhilHealth spokesperson Rey Baleña, nagahulat pa sila sang clearance halin sa Department of Budget and Management (DBM) agud mabayaran ini.
Dugang pa niya nga tinguhaan nila nga mabayaran ini antes matapos ang Oktubre.
Una na ginpahayag sang PRC nga nagalab-ut sa P930,993,000 ang overdue balance sa COVID-19 testing nga gina-charge sa PhilHealth.
Setyembre 8 sang katapusan nga nagbayad ang PhilHealth sa PRC kag wala na nasundan.
Facebook Comments
