Gilusad karong adlawa sa buhatan sa Department of Agriculture kon D-A Region 10 ang malasakit help desk nga nahimutang sa gawas nga bahin sa buhatan sa D-A.
Matud ni Director Carlene Collado, ang regional director sa D-A Northern Mindanao nga gitunong sa Pebrero 14 ang paglusad sa malasakit help desk aron nga mapakita sa Department of Agriculture ang ilang gugma alang sa mga mag uuma.
Ang malasakit help desk, abri gikan Lunes hangtod Biyernes, gikan sa alas otso sa buntag hangtod sa alas singko sa hapon, kinsa nahimutang sa gawas nga bahin sa ilang buhatan.
Nasayran nga gituyo sa maong buhatan ang pag plastar niini sa gawas nga bahin aron nga dili mataha ang mga mag uuma sa pag dangop sa ilang buhatan.
Samtang mamahimo usab nga moderetso ngadto sa opisina sa regional director kung kinahanglanon ang dugang assistance.
