Ginpahayag sang mga eskperto nga indi makapaayo ang malawig nga pagpungko.
Suno kay Dr. Susan Mercado, indi makapaayo sa blood flow ang pagpungko sang 8 ka oras ukon masobra pa bangud mahimo makatipon ini sang tambok nga maka-apekto sa corazon nga mahimo ikamatay.
Pila ka mga sakit nga mahimo makuha amo ang cardiovascular diseases nga mahimo tunaan sang heart attack ukon stroke, cancer, kag diabetes.
Suno naman sa tagpamaba sang BPO Industry Employees Network (BIEN) nga si Mylene Cabalona, apisar dako ang sweldo, masami urinary tract infection kag kidney stone ang ginasuprer sang mga naga-obra sa business process outsourcing industry bangud indi sang mga ini kontrolado ang nagasulod nga mga tawag gani indi sila basta-basta makatindog agud magpadulong sa banyo ukon mag-inom sang tubig.
Samtang, nagmandu ang Department of Labor and Employment (DOLE) nga dapat hatagan sang 5-minute break sa kada 2 ka oras ang mga nagatrabaho sa opisina transportation sector kag sa mga BPO kasubong sang call center agents nga masami nagapungko.
Ginaluman nga mangin epektibo ang nasambit nga mandu sa Nobyembre 19.
(photo from web)
