Malaybalay, gidayeg sa DILG gumikan sa nindot nga rehab programs para sa mga drug users

47

Gidayeg sa Department of Interior and Local Government (DILG) ang siyam ka local government units sa nasud gumikan sa ilang community-based rehabilitation program kontra iligal nga droga.

Sa usa ka statement, gibutyag ni DILG Secretary Eduardo Año nga sa likod sa hulga nga hatid sa COVID-19 pandemic, nagpabiling committed ang national government sa rehabilitation sa mga drug users sa community level.


Sa siyam ka mga LGU’s, apil niini ang siyudad sa Malaybalay.

Gi-ila ang siyam ka LGU’s sa usa ka symposium sa Community-Based Drug Rehabilitation and Reintegration Program (CBDRP) best practices.

Gibutyag ni Ano nga ang CBDRP best practices ay nagpakita lamang nga seryoso ang gobyerno sa rehabilitation aspect sa anti-illegal drugs campaign niini.

Samtang sa interview sa RMN ngadto kang Malaybalay City Acting Mayor Warren Pabillaran, gibutyag niini nga malampuson ug epektibo ang programa sa community based drug rehabilitation program sa dakbayan.




Matud niya nga adunay gayuy pondo nga gigahin ang city government para sa mao nga programa isip suporta sa national government sa pagsumpo sa illegal nga droga.

Usa matud pa kini ka dakong kadungganan sa siyudad.

Gipasalamatan usab niya ang mga tawo nga anaa sa likod sa mao nga kalampusan.

Facebook Comments