Davao City – Usa sa mga nakitang problema kung aduna’y election sa Pilipinas mao ang bangi sa mga kandidato, maong pahinumdom sa Department of the Interior and Local Government (DILG) XI sa buot magpapili isip mga barangay officials nga ipadaplin usa ang garbo ug tutukan ang mas ikaayo sa ginsakupan.
Sa interview sa DXDC RMN Davao kang DILG XI Regional Director Alex Roldan, iyang gibutyag nga dili malikayan ang kagubot sa panahon sa bugnong lugaynon tungod sa nagkandaiyang prinsipyo ug baragunan sa mga mag atbang sa politika nga pagpapili karong Oktobre 30 maong panghinaut niya nga limitahan unta kini ug dili na personalon pa.
Sa samang bahin, padayon sab ginatutukan sa DILG XI kauban ang ubang mga ahensiya sa gobyerno ang pagbungkag sa mga private armed groups sa nasud ilabi na sa rehiyon onse aron masiguro ang kahapsay ug kalinaw panahon sa BSKE.
RadyoMan Ivy Parido
Facebook Comments
