Davao City – Aduna nay mga persons of interest ang kapulisan sa pagpusil-patay sa tag-iya og beach resort sa may Brgy. Lacaron, Malita, Davao Occidental niadtong June 14, 2019.
Sa interbyu sa RMN Davao kang Davao Occidental Police Provincial Director Col. Narciso Bayugo Davao nga nangalap sila og mga cctv footages nga makatabang sa pagidentipika sa lima ka mga mamumuno kinsa responsable sa pagpatay sa biktima nga si Wilfred Valenzona samtang sakay kini sa iyahang itom nga Ford Ranger.
Human makabsan sa kinabuhi ang biktima gidagit usab ang kwarta niining nagkantidad sa P300K.
Dugang niini, gisumite na alang sa ballistics examination ang mga narekober nga mga basyo sa bala sa crime scene.
Sumala ni Bayugo nga love triangle ug robbery ang gilantaw nila nga anggulo sa krimen.
RadyoMaN Aimee Guinita
