Davao City – Epektibo kagahapong adlawa (September 22, 2021) hangtud October 2, 2021 ang pagpailawom sa Malita, Davao Occidental sa Modified Enhanced Community Quarantine (MECQ).
Sa gipagawas nga Executive Order (EO) No. 17 sa lokal nga gobyerno, gipatuman ang MECQ sa lugar tungod sa pagtaas sa kaso sa Coronavirus Disease 2019 (COVID-19) human nga nakatala usab og kaso sa Delta variant ang kasikbit nga munisipalidad partikular na sa Sta. Maria.
Ilawom sa direktiba, istriktong ipatuman ang minimum public health standards batok COVID-19 sa tanang mga residente lakip na sa mga establisyemento diin nasayrang padayon usab nga ipatuman ang ‘No Movement Sunday’ sa maong lugar.
Usa ka miyembro lamang sa pamilya ang tugotan nga mugawas sa balay sa maong panahon gamit ang quarantine pass alang sa importanteng lakaw.
Samtang, working pass usab ang gamiton sa mga nagatrabaho.
As of September 21, 2021, sa Davao Occidental, ang munisipalidad Malita ang aduna nay pinakadaghang natala nga COVID-19 cases nga anaa na sa sa total nga 1,037 ug anaa sa kapin 200 ang total active cases.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
