![MALITA.jpg](https://i0.wp.com/rmn.ph/wp-content/uploads/2021/09/MALITA-1-scaled.jpg?resize=696%2C464&ssl=1)
Davao City – Mihangyo si Malita Municipal Mayor Bradly Bautista ngadto sa iyang ginsakpan nga mu-kooperar sa tanan nilang lakang sa pagbatok sa COVID cases sa lugar sama sa pagpatuman og No Sunday Movement.
Sa official FB page sa Malita LGU, nanawagan si Mayor Bautista sa mga Malitaño nga di mag kyumpansa ilabi na sa hulga sa paspas nga pagkuyanap sa Delta variant diin sa update sa Provincial Health Office Davao Occidental as of September 7, 2021, adunay 351 total active COVID cases human nadungagan og siyam ka mga bag-ong kaso.
“Hapit na mangawala ng tingog sa atong mga frontliners cge ug remind sa inyoha di lang unta ta mag gahi sa atong mga ulo simple ra kaayo ng ginapabuhat sa inyoha nga sundon lang ninyo atong guidelines ug safety protocols ug para ni tanan sa inyong kaluwasan,” saysay sa alkalde.
Sa pikas bahin, gikuha usab sa DXDC RMN Davao ang bahin sa Malita LGU pinaagi sa pagtawag sa ilang information office kalabot sa COVID cases nga natala sa usaka planta apan matud pa, magkoordinar usa sila sa Municipal IATF mahitungod niini.
RadyoMaN Renz Barbarona