Ginpahayag ni Negros Occidental Governor Eugenio Jose Lacson nga liwat mangin home quarantine area ang Mambucal Mountain Resort sang mga persons under monitoring (PUMs).
Iga-pahamtangan ini sang anum (6) ka mga flight attendant sang Philippine Airlines (PAL) nga nagdul-ong sang mga Canadian nationals nga naghalin diri sa Negros Occidental padulong sa Metro Manila pauli sa pungsod Canada sa bulig sang ila nga gobierno.
Lakip man dire ang 45 ka Negrense nga mga construction workers gikan sa Iloilo nga maga pauli man subong nga adlaw.
Suno sa Gobernador, bilang protocol sang Department of Health (DOH) sila ang ipa-idalum sa gihapon sa 14-day quarantine sa ila nga pag-abot apisar sila ang napa-idalum na sa quarantine sa lugar nga ila ginhalinan.
[image: image.png]
