Mambusao, Capiz – Wala sang anuman nga ordinansa nga ginpapasar ang Sangguniang Bayan sang banwa sang Mambusao may kaangtanan sa pagbawal sang angkas sa motorsiklo.
Ginpanindugan ni Mambusao Mayor Leodegario “Jun” Labao Jr. nga ginsunod gid lamang nila ang guidelines nga ginpapanaog sang National IATF nga pagbawal sa angkas sa motorsiklo agud nga mapabilin ang social distancing kag malikawan ang posible nga paglapta sa COVID 19 virus.
Ginpunto ni Labao nga nakit-an nila ang posible mangin epekto sini sa mga pomuluyo kag sa ekonomiya sang banwa.
Iya nga ginklaro nga ginsunod gid lamang nila ang guidelines nga ginpapanaog snag national IATF. Nahibaluan nga sang petsa 1 sang bulan sang Hulyo umpisa nga ginpatuman ang nasambitan nga pagsulondan nga bawal ang angkas sa motorsiklo. Sa mahibaloan nga ginareklamo sang mga apektado nga commuters ang ginpatuman nga pagsulondan bangud kinahanglan nga isa gid lamang ka pasahero ang dapat nga makasakay sa traysikol. Ginareklamo man sang mga ini ang mahal nga pagsuloktan sa pamasahe.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
