Mambusao, Capiz – Disedido ang kapulisan sang Mambusao nga pasakaan sang nagakaigo nga kaso ang persona nga si Jefrry Oboyes Pinalba, 47-anyos nga taga-banwa sang Sapian. Ang amu nga persona ang nangbastos kag nagpamilit nga nagsulod sa quarantine border cheackpoint sang banwa sang Mambusao nga nahamtang sa Barangay Bula sa pihak nga pasado alas onse na sang gab-i kag ginapatuman ang curfew hour. Suno sa hepe sang Mambusao PNP nga si Police Captain Edwin Luces, nadiskubrehan nga si Obuyes kag upod sini ang yara sa impluwensya sang makahulobog nga ilimnon. Suno pa kay Luces, rason sang amu nga persona nga magabakal sang bulong sa botika apang napaslawan naman nga makapakita sang nagakaigo nga resita.
Wala pa makontento si Obuyes kag ginsilingan ang mga PNP personnel sang mga malain nga mga tinaga “Mga bastos kamo, Sin-o gid kamo aw? Sin-o nasaligan niyo ay, Bisan tawagan niyo pa si Mayor. Mga aswang kamo!”
Maluwas diri, nagpakilala pa si Obuyes nga ini ang staff sang MDRRM Office. Apang sa interview sang news team kay Sapian Municipal Administrator Mr Kenneth Hondrado, nga ang amu nga persona ang job order lamang kag assigned sa opisina sang MSWDO sang banwa sang Sapian.
