Nagadamu ang mga mamumugon gikan sa farm sector ang nagahalin sa trabaho. Base sa data sang Philippine Statistics Authority ukon PSA, nagnubo ang total employment share sang farm sector sa 25.43% sang 2017. Ginapakita man sang data nga nagnubo sa 11 million ang employment sa agriculture sector. Subong man, wala ini ginakabalak-an ni Agriculture Secretary Manny Piñol kag ginpahayag nga patimaan lamang ini nga nagapaidalum sa modernization ang agriculture sector sang Pilipinas. Sa pihak sini, nagapabilin nga mabakod naman ang total employment share sa services sector sa 56.28% sang 2017. Nagsanyog man ang industry sector sa 7.3 million sang 2017 gikan sa anay 4.7 million sang 2011. Photo from web / ctto Tags: Visayas, DYRI774, RMN Iloilo
