Iligan City- Gipaslak na sa selda sa Presinto 3 ang duha ka mga suspetsado kinsa napalitan sa nagpatuong buyer sa gihimo nga buy bust operation sa kapulisan niadtong Biyernes sa gabie pinangulohan sa ilang hepe sa Police Senior Inspector Mark Ian Quita.
Nasikop ang duha ka mga suspetsado didto sa Barangay Acmac kinsa naila sa pangalang Ryan Canonas 29 anyos, ug ang live-in parner niini nga si Jamalia Macalalang 19 anyos pulos mga residente sa Purok Gumamela Barangay Acmac.
Nakuha gikan sa ilang possession ang 21 ka mga small size nga mga sachet nga gituohang shabu.
Mag atubang kini sila ug kasong paglapas sa Republic Act 9165 o ang “Comprehensive Dangerous Drugs Act of 2002”
