ILOILO CITY- Ginpasakaan sang kaso sa Ombudsman sang Task Force Crusaders ang pamunu-an sang Western Visayas Medical Center ukon WVMC.
Ginpahayag ni Mr. Juanito Magbanua, isa sa mga katapo sang Task Force Crusaders, ginhimo nila ang tikang bangud sa madamo nga mga reklamo nga ila nabaton batuk sa WVMC bilang isa ka ospital sang gobyerno nga nakabase sa Mandurrioa, Iloilo City.
Suno kay Magbanua, nabatian man nila sa media ang mga anomaliya sa nasambit nga ospital kabangdanan nga naghimo sila sang tikang sa pagtipon sang mga ebedensya kag ginpasaka nila sa Ombudsman ang reklamo.
Ang Task Force Crusaders, ara sa idalum sang Office of the Solicitor General kag nagakampanya batuk sa tanan nga sahi sang kriminalidad, iligal nga druga, kag kurapsyon.
Facebook Comments
