Compostela Valley- Gibalhog sa selda sa kapulisan sa lungsod sa Mabini ang usa ka manager sa pamatigayon human nadakpan nga nag gamit og droga alas onse ang takna sa gabii dinhi sa National Highway, Barangay Kingking Compostela Valley.
Suspetsado giila sa pangalang Ariel Hakobe , 28 anyos ang pangidaron, usa ka manager sa videoke house nga nahimutang sa nasangpit nga lugar.
Base sa report sa kapulisan, usa ka concerned citizen ang nagpadangat og text message ngadto sa kapulisan kalabot sa kalihokan sa supetsado nga nagpahigayon og pot session sulod sa videoke house.
Daling miresponde ang kapolisan ug didto aktwal nga nadakpan ang suspetsado. Kasamtangan gikustodiya ang maong manager human nakuhaan og usa ka sachet sa gidudahang shabu ug drug paraphernalia.
Sa karon giandam na sa kapulisan ang mga dokumento ngadto sa suspek aron mapasakahan na kini og kaso sa korte.
Kasamang Jules Catisay
