Manager gidunggab angol

25

Davao City – Gitambalan karon sa pribadong hospital ang usa ka manager human gidunggab sa Opal Street, Palm Village, Bo. Obrero, syudad sa Davao.

Base sa report sa Sta. Ana Police Station, ang biktima giilang usa ka Loreto Catayas, 50 anyos, samtang ang suspek si Reymark Tejero, 26 anyos, residente sa Purok 3, Caimitohan, Catalunan Pequeño ning dakbayan.


Sumala sa nakakita sa panghitabo, ang biktima miabot sa nasangpit nga lugar ug gisundan sa suspek ug gidunggab sa makaduhang higayon, igo sa tiyan.

Human sa insidente, ang suspek gilayong misibat padulong sa Dacudao Road samtang ang biktima daling gihatud sa tambalanan ug anaa na sa stable condition.

Naglusad na ang kapulisan og hot pursuit operation aron madakpan ang suspek sa krimen.

RadyoMaN Don Pulayao




Facebook Comments