Manager sa motor company ug duha niining kauban nadakpan sa buy bust operation

80

Pagadian City – Tulo ka indibidwal ang nadakpan sa otoridad atol sa gikasa nga Drug buy bust operation dihang dapita sa Zone 4, Barangay Tiguma, Pagadian City alas 2:20 kaganihang kadlawon.
Nangadlawon ang tropa sa Station Drug Enforcement Team (SDET) sa Pagadian City Police uban ang personahe sa Zamboanga del Sur Provincial Mobile Force Company ug Midsalip MPS.
Malampuson nga nadakpan ang target nga si Romy Oquinan Onog, 42 -anyos, Manager (Rusi Company) ug residente sa Purok Mangga, Tuburan, District, Pagadian City, Teodoro Longaquit Casinillo III, 32 -anyos, taga-Purok Liberty, Gatas District, Pagadian City ug Alberto Pabutaya Caga-anan, 48 -anyos, taga-Purok Uno, Gandiangan, Poblacion Imelda, Zamboanga Sibugay.
Nakuha gikan sa ilang posisyon ang walo ka mga pakite sa gituohang shabu nga mitimbang sa 2.5 gramos nga gibana-banang mokantidad sa 33 mil pesos.
Nakuha usab kanila pipila ka mga drug pharapernalia.
Ang mga dinakpan gikustodiya na sa Pagadian City Police Station samtang muatubang sa kasong paglapas sa R.A. 9165 kon “Comprehensive Dangerous Drugs Act of 2002”.

Facebook Comments