Samaran ang usa ka biktima human kini gipusil didto mismo sa Dipag Southern Star Lending nga anaa nahimutang sa Brgy. Disud, Sindangan, Zamboanga Del Norte.
Naila ang biktima nga si Rudelle Magpayo Malunes, 34 anyos, menyo, usa ka branch Manager sa maong lending company.
Nga kung diin gipusil kini sa wala mailang suspetsado sakay sa kolor itom adunay kombinisyon nga kolor puti Honda XRM nga motorsiklo.
Naka angkon gilayon ug samad pinusilan sa walang bahin sa iyang abaga ug sa too nga bahin sa liog sa biktima.
Human sa panghitabo dali nga miikyas ang mga kriminal sa wala masayring direksyon. Samtang ang biktima dali kini nga gidala sa balay tambalanan dinhi sa Zanorte Medical Center alang na usab sa hinanaling medikasyon.
Sa pagkakaron padayon pa gihapon ang hot pursuit operation sa kapulisan sa Sindangan aron sa posibleng pagkaaresto sa mga kreminal.
