Davao City – Nag anam-anam na og pangabot ang mga managkutay bitbit ang kandila alang sa pagduaw nila sa ilang mga minahal sa kinabuhi nga mitaliwan na sa laing kalibutan sa duha ka sam-ang partikular ang Lubogan Cemetery ug ang Toril Memorial Park ning dakbayan.
Under manageable gihapon sa mga awtoridad sa Task Force Davao, volunteer police auxiliary, barangay police cvo ug barangay tanod sa pagbantay sa seguridad sa katawhan sa duha ka sementeryo.
Gimuntar sa kapulisan ang lima ka outpost ingon man mga police assistance desk aron sa pagsiguro nga hugot mabantayan.
Sumala ni Police Chief Inspector Jerome De Guzman ipahigayun ang ‘operation kapkap’ ug inspection sa mga tao nga mosulod ug mobisita sa ilang minahal sa kinabuhi.
Gidugang ni De guzman nga hugot ginabawal ang pagdala og mahait nga hinagiban.
Subling nagpahinumdom si De Guzman sa tanan katawhan nga mobisita sa duha ka sementeryo nga gamay sakripisyo gumikan kay one way ang gipatuman nga re-routing gikan sa Mc Arthur highway partikular sa Agton Manggahan pasalod sa Barangay Lubogan adunay Command Post nga nakaplastar ug di makasulod ang mga sakyanan.
Samtang magbaklay nalang ang katawhan pasulod sa sementeryo.
RadyoMaN Don Pulayao
