Kini human natala ang managlahing disgrasya sa Davao Region diin kabsan sa kinabuhi ang usa ka motoristang si Gladys Alferez Felipe human nabanggaan sa nagsunod nga mini-van gahapon sa buntag, Marso 18, 2024 sa Barangay Tubod, Bansalan, Davao del Sur.
Samtang sa Davao City, gikasubo sa pamilya ug partner ni Ruen Jay Lasaca ang iyang kalit nga pagpanaw gumikan sa disgrasyang nahitabo sa Brgy. Eden, Toril District.
Sa report sa Davao City Police Office (DCPO), tungod sa kakusog sa panagbangga sa duha ka motorsiklo, dead on the spot si Lasaca.
Subay niini, aduna nay naunang pahimangno si Police Major Dexter Domingo, ang DCPO-TEU Chief sa interview sa DXDC RMN Davao nga sa wala’g tuo nga aktibidad, kinahanglang mag-doble igmat ang mga motorista ug pedestrians ilabi na karon nga ting-byahe na subay sa semana santa.
Kung nakainom atol sa mga okasyon dili na mag-drive pa aron malikayan ang aksidente. Angayan usab nga sundon ang defensive driving ug respetuhon ang balaod trapiko.
RadyoMaN Ivy Parido
