Sirawai, ZDN-Sa gihimong pagsilbi sa warrant sa kapulisan sa Sirawai sa pagpanguna ni Pcapt. Jeferson Arellano, malampuson nga naaresto si Kaduh Gumaga, 24 anyos, taga Brgy. Bongon, lungsod sa Sirawai ug usa ka tricycle driver.
Nakuha sa posisyon sa dinakpan ang ubay-ubay nga mga paketeng adunay sulod nga gituohang Shabu, nakuha usab ang calibre 38 ug calibre .45 lakip na ang mga buhing bala ug Granada.
Kasong paglapas sa illegal nga drogang shabu ug paghupot sa illegal nga armas ang atubangon sa dinakpan.
Samtang wala nakalingkawas ang gisuspetsahan nga nalambigit sa droga human naghimo ug buy-bust operation ang kapulisan sa katipunan uban sa taga PDEA ZDN, didto sa may Brgy. Loyuran, katipunan.
Nakuhaan ug drogang shabu si Dexon Erat, human sa natigayon nga buy-bust sa taga PDEA lakip ang mga drug paraphernalia.
Balhog na karon sa balay bilangguan ang dinakpan ug mag atubang na sa kasong may kalambigitan sa droga.
