Siocon- Balhog sa balay bilangguan sa Siocon MPS ang upat ka mga pinangita sa balaod human nagpahigayon ug manhunt operation ang kapulisan siocon didto sa Sitio Bliss, Brgy. Pob. Siocon.
Naila ang mga dinakpan nga sila si Abujal Isnain Ladjabulan, 32 anyos, menyo, construction worker, taga brgy. Sta. Maria, Siocon; Nanot Conding Isnain, 39 anyos, mag uuma , Harijin Isnain Mamatol, 39 anyos, mag-uuma ug Espaldon Conding Isnain, 40 anyos pulos kini sila residente sa brgy. Matiag, Siocon.
Nasikop sila pinaagi sa warrant of arrest nga ge isyu ni Executive Judge Laarni N. Dajao sa 9th RTC branch 27 Siocon sa kasong Homicide sa R.A 7610 ilawom sa CC No. 2017-06-15(1507) penetsahan ug Enero 31, 2018.
Ang korte adunay pyansa nga gerekomendar sa kantidad nga P40,000mil matag usa kanila.
Samtang lain pang pinangita sa balaod ang nasikop sa gihimong hini-usang operasyon sa Rizal MPS sa pagpanguna ni PO3 Virgilio B. Diong Jr. ug element sa Buug MPS Zamboanga Sibugay PPO sa pagpangulo ni P/Insp Gerardo R. Tarroza batok kang Saldimar Cales y Aso, 35 anyos, tricycle driver, nagpuyo kini sa Purok 5, Bulaan, Zamboanga Sibugay.
Nasikop kini pinaagi sa warrant of arrest nga gi isyo ni Presiding Judge Jose Rene G. Dondoyano sa MTC Dapitan City, RTC 9th Judicial region, sa kasong Reckless Imprudence Resulting To Serious Physical Injuries adunay CC no. Nr 17078, penetsahan kini ug agosto 13, 2010.
Ang korte adunay ge rekomendar nga pyansa sa kantidad nga P2,000mil alang sa iyang kagawasan. Sa pagkakron anaa na kini nagtingkagol sa lock-up cell sa lungsod sa Rizal.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
