Ang personahe sa Piñan MPS sa pagpanguna ni PO2 Randy Rasonabe Vallecer, dali nga miadto sa Purok 1, Brgy. Calican, lungsod Piñan sakop ning atong probinsya sa Zamboanga Del norte human nakadawat ug taho nga matod pa adunay aktibidad sa illegal logging sa nahisgutan nga lugar nahitabo kini niadtong miaging adlaw mga alas 8:30AM.
Sa paghidangat sa mga tinugyanan sa balaod nasapon nila ang tulo ka mga suspek nga nailang sila si Crisostomo Ortega Lumacang, 56, Dencio Regencia Mucot, 53, pulos residente sa Bethlehem, lungsod sa Polanco, ug si Elmer Maghanoy Cabilin, 44 anyos, nga taga brgy. Calican, Piñan. Sila tulo akto kining nasapon nga nag pahigayon ug illegal logging.
Nakuha sa ilang posisyon ang usa (1) ka Orange nga Power Saw adunay serial no. 171265382 ug unom (6) kabuok nga lumber nga may sukod nga 1”x 12” x 7’ nga nailang banay-banay tree. Wala usab gikabutyag kung pila ang kantidad sa nakuha nga mga kahoy ngadto sa mga suspek.
Ang nakumpiska nga power saw ug lumber anaa karon sa kustodiya sa CENRO didto sa may brgy. Segabe lungsod sa Piñan.
Samtang kagahapong adlawa pormal na nga gipasakaan ug kaso sa paglapas sa Presidential Decree no. 1775 otherwise known as the “Revised Forestry Code of the Philippines.
*Sa pikas bahin, **Tanggong* pa gihapon sa balay bilangguan sa Jose Dalman MPS ang suspetsado nga si Eduardo Cuenca Sarita, 57 anyos human kini gisikop sa kapulisan tungod kay gituohang kining miputol sa mga kahoy sa pampublikong luna.
Kahinumduman nga mitaho sa kapulisan sa Jose Dalman ang barangay kapitan sa Ilihan, sakop sa maong lungsod may kalabot kini sa illegal nga pagputol sa kahoy nga sakop sa iyang barangay.
Dali usab nga mi responde ang kapulisan sa lungsod sa Jose dalman ug didto ilang nakuha ang nagkadaiyang sukod sa kahoy nga ginabas lakip na ang gigamit nga power Saw kolor orange adunay kombinisyaon nga puti.
Subay sa taho sa kapulisan wala matod pay permit si Eduardo sa iyang pagputol sa mga kahoy sa maong lugar, hinungdan nga dali kini gidala sa buhatan sa kapulisan aron imbistigahan.
Karong adlawa pormal na kining pasakaan ug kaso ngadto sa korte tungod sa paglapas sa Forestry Code of the Philippines.
