Tingkagol na karon sa mabugnaw nga rehas sa lungsod sa Sindangan ang usa ka wanted human nasikop sa gihimong operasyon sa kapulisan sa Sindangan didto sa may Pangalalan, Sindangan sakop ning probinsya niadtong adlawng martes..
Bitbit sa kapulisan ang warrant of arrest sa dihang mi adto kini sa nahisgutan nga lugar, didto malampuson nga nasikop si Jerry Enojardo Cadungog , 44 anyos, residente sa nahisgutan nga lugar.
Si Jerry nalutsan kini ug warrant of arrest gikan sa hawanan ni Presiding Judge Reymar L. Lacaya sa RTC 9, Sindangan tungod sa paglapas sa Sec. 10(a) R.A 7610 (An Act Providing For Stronger Deterrence And Special Protection Against Child Abuse, Exploitation And Discrimination) ilawom sa CC no. S-5774 penetsahan ug hulyo 10, 2018.
Samtang ang korte adunay gitagana nga pyansa nga mo kantidad sa (P80,000) alang sa iyang temporaryong kagwasan.
Naaresto kini siya pinaagi sa intelligence report human milakaw sa maong dapit sa dihang nasayran niya nga adunay warrant, apan bisan paman sa iyang kaidlas wala gihapon nagmalampuson ang pag tag-tago.
Sa pagkakaron iya nang serbisyohan sulod sa bilangguan ang kasong iyang gi atubang.
Samtang lain pang wanted ang gisikop usab sa kapulisan sa maong lungsod didto sa may brgy. Lawis, Sindangan nga mao si Jonathan Maglangit y Carreon , 22 anyos ug usa ka mangingisda residente sa maong dapit adtong adlawng martes petsa 10, 2018.
Si Jonathan nalutsan kini ug warrant of arrest sa kasong less Serious Physical Injuries ilawom sa CC no. 12890 gikan sa lamesa ni Judge Nimfa B. Carreon-Padao.
Apan adtong adlawa, gilayong naka gawas sa prisohan human naka pyansa sa kantidad nga gipangayo sa korte bugti sa iyang kagawasan.
