Managlahing operasyon sa kapulisan tulo ka wanted sikop

85

Arestado sa kapulisan ang usa ka wanted human naghimo ug hinu-usang operasyon ang kapulisan sa lungsod sa Rizal, ZDN ug Sapang Dalag Mis. Occ.

Kini human nakadawat ug impormasyon ang kapulisan nga anaa sa may brgy. Casul, Sapang Dalaga, Mis. Occ si Alberto Lapinig, 51 anyos nag atubang sa kasong Attempted Homicide human nalutsan ug warrant niadtong bulan sa Pebrero, 2016.


Anaa na karon gipaslak sa locked-up cell sa Rizal para sa pormal nga pag atubang sa kaso.

Sa lungsod sa Labason nagpakitabang ang usa ka negosyante nga si Marlo Rebondal sa kapulisan human matod pa gikawat ang iyang cellphone didto sa merkado publiko kinsa ang gitudlo nga mipunit sa iyang cellphone mao si Kurok Kasali, nga taga brgy. Gil Sanchez, Labason, ZDN.

Una niini natingala ang negosyante sa dihang takulahaw lang nga nawala ang iyang cellphone human gitangag sa mga kawatan.

Sa pagresponde sa kapulisan malampuson nga nadakpan ang mgakapawatan pinaagi ni PCPL Jarabi. Nakuha sa posisyon ni Kurok Kasali ang cellphone apil sab nga gisikop si Dido Nusida, 18 anyos ug karon anaa na nagpabugnaw sulod sa rehas sa Labason MPS.

Lain pang sikop sa kapulisan sa susamang lungsod ang usa ka wanted nag nag tago-tago kini sulod sa 17 na ka tuig.

Dakpan si Julito Limbaga, human gisilbi ang warrant batok kaniya pinaagi sa kapulisan didto sa brgy. Antonio, Labason, ZDN.

Kini si Julito aduna kini warrant niadtong December 10, 2002 tungod sa kasong pagpangawat, moabot sa 15mil, ang pyansa nga gipangayo sa korte bugti sa iyang kagawasan.

Facebook Comments

From Advertisers