San Pablo, Zamboanga del Sur-Patay ang usa ka biktima samtang nagpa-alim pa sa balay tambalanan ang igsoon niini human gitigbas ang duha ka lalaki nga managsoon kagahapong adlawa didtong dapita sa Purok Malipayon, Barangay Bag-ong Misamis,San Pablo, Zamboanga del Sur sa may alas 08:00 sa gabei.
Naila ang mga biktima nga sila si Christorie Cañete Miral, 30 anyos,minyo og residente sa nasangpit nga dapit og si Ferdinand Fernandez Miral, 40 anyos,minyo, usa ka mag-uuma og residente kini sa Barangay Busol, Tigbao, Zamboanga del Sur. Samtang ang suspek ang naila sa pangalan nga Joby Utlang Tugahan, 36 anyos, og residente usab kini sa Purok, Malipayon, Bag-ong Misamis, San Pablo.
Base sa imbistigasyon nasayran nga nag-inom ang mga biktima kauban ang suspek sa usa ka tindahan nga gipanag-iyahan usab sa suspek. Lango kini sa ilimnon nga makahubog hinungdan nga nagka-argumento kini og nagresulta sa pagpanigbas.
Nakabaton og samad tinigbasan si Christorie Miral sa iyang liog og dali kining gidala sa Zamboanga Del Sur Medical Center arun katambalan samtang ang usa ka biktima nga si Ferdinand Fernandez Miral ang nakabaton usab og samad sa liog og nagresulta sa hinanaling kamatayon.
Samtang ang suspek ang detinado na karun sa San Pablo MPS alang sa tukmang disposasyon.
