Managsuon nga nagpayuhot sa illegal nga droga nadakpan

29

Pagadian City – Nadakpan ang kanhing surrenderee ug ang igsoon nga babaye niini sa gipahigayon nga Drug Buy-Bust Operation nga gikasa nga joint Operation sa Station Drug Enforcement Team sa Pagadian City Police Station, tropa sa Regional Drug Enforcement Unit – 9, Regional Intelligence Division sa Purok Mangga Barangay Tuburan ning syudad sa Pagadian.
Naila ang dinakpan nga sila si Kevin Longaquit Gonzales alyas Kevin ug Lailanie Longaquit Gonzales managsuon nga pulos residente sa nasangpit nga lugar.
Nakumpiska gikan kanila ang usa ka pakete sa gituohang shabu isip buy bust item ug lain usa ka pakete sa shabu nga gikan sa ilang posesyon, usa ka kenentos pesos isip buy bust money.
Ang managsuon ang gikustodiya sa Pagadian City Police Station ug gikatakdang kasohan sa paglapas sa Akta Republika 9165 Comprehensive Dangerous Drugs Act of 2002.

Facebook Comments