Davao City – Patay ang usa samtang samaron ang manghod niini sa nahitabong shooting incident sa may Roman Diaz St. Calinan District ning syudad alas-11:32 kagabii.
Napatay mao si Eddie Otano Gumila, 28 anyos samtang angol si Gary Otano Gumila, 27 anyos ug pulos nagpuyo sa Purok 2 Manuel Guianga Tugbok District ning syudad human kini gipusl sa wala mailhing suspek.
Base sa report igo ra unta mopalit og pagkaon ang biktima diha sa may Calinan ug kalit lamag sila giduool sa usa ka lalaki kinsa nag suot og itom nga jacket ug short pants nga fatigue dayon gipamusil ang mga biktima.
Naigo si Eddie sa agtang hinungdan sa hinanaling kamatayon niini samtang samaron usab ang iyang igsoon nga kritikal ang kahimtang karon sa SPMC.
Kapolisan sa Calinan naglusad na og follow up investigation sa motibo sa krimen ug aron mailhan usab ang suspek.
Samtang ang patayng lawas sa biktima gidala na sa St. Peter Funeral parlor.
RadyoMaN Paul Canono
