Managsuong babaye dakpan sa drug bust sa Butuan

37

Nagtingkagol sa karsel sa Butuan City Police Office (BCPO) ang duha ka magsoong babaye kinsa nadakpan sa gikasa nga drug buy bust operation sa City Drug Enforcement Unit sa BCPO kauban ang Police Station 1 sa Purok 7, Brgy. San Vicente ning syudad sa Butuan, kagabie.
Giila ang mga dinakpan nga sila si Norma Rica Casanos, 24 anyos, dalaga, usa ka Therapist sa Thai Boran atbang sa SM ug Jelove Casanos, 36 anyos, dalaga parehung residenti sa Purok 5, Brgy. Amparong ning syudad sa Butuan.
Nakuha sa posisyon sa duha ka mga suspek ang usa ka sachet sa shabu isip buy bust item apan sa gihimung body search didto nakuha ang tulo ka mga sako sa droga nga mitimbang ug 15 grams nga gibana-banang mokantidad ug P177,000 nga market value.
Nasayran nga balor unta sa P11,000 ang usa ka sachet nga buy bust item apan gibaligya lamang kini sa ubos nga presyo nga P6,000 gikan sa nagpatoong poseur-buyer sa kapulisan.
Nigawas sa imbistigasyon nga gikan pa sa Magsaysay, Misamis Oriental nila gikuha ang droga sanglit ilado naman dinhi sa dakbayan sa Butuan ang operasyon sa ilang supplier. (reports by Ismael Cubillas and archer capadeso)
[image: babaye drugs.jpg]

Facebook Comments

From Advertisers