Managti-ayon sa DavSur gibanhigan

Sta Cruz, Davao del Sur – Angol ang usaka managti-ayon human sila gipamusil sa Crossing Quinokol, Barangay Darong, Sta Cruz, Davao del Sur kagahapon bandang alas- 11:00 kadto sa kagabhi-on.

Matud sa kapulisan, nakadawat sila og tawag gikan sa radio operator sa LGU-Sta Cruz nagpahibalo nga adunay pagpamusil nga nahitabo sa nahisgutang lugar rason nga ila gilayon kining girespondehan.

Ang mga biktima giilang si Celso Gado, 42 anyos, negosyante ug iyang asawa nga si Remedios Gado, 45 anyos, nurse sa usa ka ospital.


Nasayran nga ang bana napusilan sa may agtang nga bahin samtang ang kapikas niini napusilan og ikatulo ka higayon sa ulo, kamot ug dughan nga bahin gikan sa .38 caliber revolver.

Motibo ug identity sa mamumuno padayon pang ginasuta karon sa mga awtoridad.

Facebook Comments