Kalibo, Aklan — Nadakpan ko mga kapulisan ro sangaka manakaw it mga mountain bike iya sa banwa it Kalibo kahapon.
Ro nasambit nga suspek nakilaea kay Roger Zata, 32-anyos ag residente it Brgy. Moging sa banwa it Banga.
Si Zata hay nadakpan pinaagi sa hot pursuit operation ko mga kapulisan matapos nga mapan uhan ko sangka retired police nga pag agi sa may crossing Banga hay nag deri-deritso raya maskin naka stop.
Ana raya nga naha itsurahan ag ginsundan kung sa siin nadakpan sa may Brgy. Tigayon.
Sa pag pangusisa it kapulisan hay may daywa eon ka mga bisekleta nga nahabaligya sa hayga eamang nga 400 ag 200 pesos.
Sambilog sa mga bisekleta nga anang karang tinakaw hay halin pa sa Canada ag nagakahayga it 1,000 Canadian dollars nga ginapanag-iyahan ni Rolando Roldan it Brgy. Estancia.
Sa makaron hay kulong sa lock up cell it Kalibo PNP si Zata.
