Davao City- Arestado sa TF Davao Check point, Sirawan, Toril, Davao City kaganihang alas-3:00 sa kadlawon, January 23, 2024 ang usa ka mananagat nga illegal nga gadala’g armas.
Giila ang suspek nga si ADRIAN ALOM TABI, male, 34 anyos ug residente sa Purok Kulasi, Brgy. Labangal, General Santos City.
Sumala sa report sa Davao City Police Office, atol sa mandatory inspection sa TF Davao ug sa Toril Police Station, namatikdan sa mga awtoridad nga adunay baril sa sling bag sa suspek kinsa sakay sa usa ka KIA nga sakyanan.
Dihang gipangitaan kini og dokumentos wala kiniy mapresenta.
Nasayran nga usa ka LLAVA Caliber 380 nga made in Spain nga adunay serial number 44125 ang gidala-dala sa suspetsado nga adunay sulod nga tulo ka bala.
Priso karon ang suspek sa Toril Police Station ug kasuhan og paglapas sa RA 10591 kun Illegal Possession of Firearms and Ammunition.
RadyoMaN Aimee Guinita
Facebook Comments
