Davao City- Na-rescue sa mga personahe sa Coast Guard Sub-Station Tagbaobo (CGSS Tagbaobo), Island Garden City of Samal ang mananagat nga na-stranded sa kadagatan.
Sumala sa Coast Guard Station IGACOS, samtang nanagat ang 69 anyos nga senior citizen nga si Eleuterio Ygonia, taga-Brgy. Ilang, Davao City nadaot ang makina sa iyahang bangka sa lawd.
Nakita kini sa laing tulo pa ka mga mananagat ug daling nagpatabang sa Barangay Tagbaobo ug sa mga personahe sa Coast Guard.
Gidala ang senior citizen sa istasyon sa Coast Guard ug didto kini gipakaon ug temporaryong gipapuyo.
Gitabangan usab og ayo sa mga personahe sa Coast Guard ug mga residente ang naguba nga makina sa bangka niini.
Matud sa CGS IGACOS nga nakauli na ang na-stranded nga mananagat sa iyahang pamilya.
RadyoMaN Aimee Guinita
Facebook Comments
