Patay ng nakit-an sa baybayon ang na missing nga mananagat sa Molugan, El Salvador City, Misamis Oriental.
Matud ni Police Chief Inspector Alinor Mautante ang Deputy Chief of Police sa El Salvador City Police Station nga naila ang mananagat nga si Primitivo Montebon, 56 anyos, residente sa maong dapit.
Nasayran nga nakit-an si Montebon nga nagbuy-od sa baybayon sa Zone 7, Barra, Opol, Misamis Oriental alas dose sa udto kagahapong adlawa.
Dugang pa ni Police Chief Insp.  Mautante nga nanagat ang biktima niadtong miaging adlaw kauban ang usa pa ka mananagat  apan nasinati niini ang dagkong balud sa kadagatan.
Mahinumduman nga mireport kagahapon sa buntag ang misis ni Mautante human kini wala makauli.
Facebook Comments
