Wala pa igkita hangtud karung mga orasa ang usa ka mananagat nga gikatahong nahulog gikan sa gisakyan niining pumpboat kagabie didto sa may kadagatan sa “biglang liko” sa barangay Polo ning syudad.
Sa nakuhang impormasyon gikan sa Dapitan CPS base sa midangop nga kauban niini, giila ang biktima nga usa ka Epefanio Porque, 28 anyos ug nanimuyo sa Sicayab Bucana.
Sa pakighinabi ngadto kang Engr. Nelson Quimiguing, Chief CDRRMO nagsugod ang ilang gihimong Search and Rescue Operation sa may alas 7 ang takna kagabie diin kauban na ang mga personahe sa Phil Coast Guard, PNP Maritime ug Dapitan PNP diin milungtad kini sa alas 10 ang takna sa gabie.
Tungod sa sulog, ngitngit ug lubog ang dagat gabie mao nga wala gayud makita ang maong biktima.
Sumala pa ni Engr. Quimiguing nga ipadayon nila ang pagahimoong Search and Retrieval Operation karung buntag.
