Cauayan City, Isabela- Arestado ang isang mananahi na kabilang sa Target Listed Drug Personality matapos ang ikinasang drug buy-bust operation pasado alas-7:00 ngayong gabi, Setyembre 30, 2021 sa District 1, Cauayan City, Isabela.
Kinilala ang suspek na si Clarita Hernaez, 52-anyos, may asawa at residente ng Christine Village, Brgy. District 1 sa nasabing lungsod.
Dinakip ang suspek ng pinagsanib na pwersa ng mga tauhan ng PDEA Isabela at Cauayan City Police Station
Naaktuhan umanong nagbebenta ng isang (1) pakete ng hinihinalang shabu ang suspek na tumitimbang ng humigit kumulang .05 grams at nagkakahalaga ng P3, 000 ahente ng PDEA na nagpanggap na poseur buyer.
Nakumpiska mula sa Ginang ang isang piraso ng P500 genuine peso bill at boodle money na ginamit sa transaksyon.
Mahaharap naman ang suspek sa kasong paglabag sa RA 9165 o Comprehensive Dangerous Drugs Act of 2002.
