Manangguete muerto na accidente

Muerto el un manangguete despues yan uclat el ponoy coco mientras tan dawat este tuba na Sitio Panggulayan, Tolosa del Lunes por la tarde.
El victima amo si Dennis Bernardo, 42 anios de edad, casao del mencionao lugar.
Asegun consu esposa alas 5 pa del tarde cuando ya anda este su esposo man dawat tuba pero man alas 6 ya del noche nohay pa le bolbe.
Ya tene que hace apas conele su esposa para manda bolbe pero cuando ya llega le na cocalan ya puede le mira tiene un ponoy coco el tumbao.
Ya encontra tamen el esposa con el chinelas del su marido si porque ya suspecha le tiene cosa ya pasa con Dennis.
Nohay tarda ya encontra le con Dennis emplastao na sacatal y gendeh mas ta resulya.
Ya precura pa lleva na hospital con Dennis pero mismo ya el maga doctor ya declara con este muerto.
Asegun mientras tan dawat tuba si Dennis yan uclat el ponoy coco que amo ya resulta na su muerte.