Mandated weight loss importante

26

Davao City – Walay nakita nga problema ang Department of Interior and Local Government (DILG-XI) sa ‘marching order’ ni Philippine National Police (PNP) Officer-In-Charge Lt. Gen. Archie Gamboa nga dili tugtan ang mga pulis nga ma-promote kon tambok ug dili magpapayat kun magpakunhod sa ilang timbang.

Gibutyag karon ni DILG-XI Regional Director Alex Roldan nga dili na bag-o ang maong kamanduan sanglit internal program kini sa nasudnong kapulisan sukad pa kaniadto ug aron physically fit ug epektibo sa pagserbisyo ug pagpangalagad sa nasud ug sa katawhang Pilipino ang tanang mga pulis.


Segun ni Roldan, ang pagpaniwang kun pagpakunhod sa timbang may dalang kaayohan sa panglawas ug magpalayo sa kumplikadong balatian apan seguraduhon lamang nga dili magamit nga basehan kun rason sa promotion ang gidak-on kun timbang sa lawas sa mga pulis kinsa nangandoy nga mutaas pa ang ranggo ug muangat ang kinabuhi.

Tambag sa direktor ngadto sa mga pulis nga nagtinguha nga musaka kun mutaas ang ranggo nga sugdan na ang pagpaubos sa timbang aron dili malisdan sa pag-apply og promotions sa ranggo nga maoy tsansa alang sa mas dakung sweldo ug mga benepisyo matag bulan.

RadyoMan Joel Viray

Facebook Comments