Davao City – Dako’g tabang ang napasar sa ‘second reading’ nga local ordinance sa syudad nga Mandatory Immunization of Infants and Children.
Atol sa 32nd Regular Session sa 19th City Council of Davao pinaagi sa virtual meeting, gipasabot ni Dr. Julinda Acosta, City Health Office (CHO) Technical Division Chief , wala nakab-ot sa syudad ang national target sa immunization achievement rason nga makatabang ang nahisgutang ordinansa, Labaw sa tanan, makatabang kini sa mga ginikanan aron luwas sa balatian ang ilang mga anak.
“With this passage of the city ordinance on mandatory immunization. Let’s say mandatory talaga, to encourage the parents and the guardians to have their children vaccinated,” segun ni Acosta.
Gipahinumdum ni Acosta , ang nahitabong ‘measles outbreak’ sa milabay’ng duha ka tuig ug ang pagpositibo sa Davao River sa Poliovirus. Kini nga mga balatian mamahimong mapugngan pinaagi sa libreng gitanyag nga bakuna diha sa mga health centers.
Dugang sa opisyal, angay nga ma-protektahan ang mga kabataan labi na karon sa pandemic diin wala pay ‘available’ nga bakuna batok sa Coronavirus Disease 2019 (COVID-19).
RadyoMaN Kirby Manzon
