Davao City – Plano karon sa City Health Office (CHO) nga subling i-require og negative RT-PCR test result sa COVID-19 ang mga pasaherong mosulod sa Davao City.
Sa interbyu sa DXDC RMN Davao kang Dr. Ashley Lopez, CHO chief, dili na paabuton pang mobalik pa og saka ang kaso sa COVID-19 o makasulod ang mga variants sa syudad una pa magpatuman og striktong measures.
“Salamat kay sa pagkakaron wala pa tay variant pero hulaton pa ba nato nga masudlan ta’g variant una ta magmahay? Because the prediction in 2 months time ingon ani ka loosen ang atong travel requirements masudlan gyod ta,” segun niini.
Sumala ni Lopez, mandatory inay random RT PCR testing aron ma-contain gilayon ang usa ka pasaherong positibo sa COVID-19.
Gibutyag ni Lopez, dili angay nga mag-relax sa mga measures tungod posibleng mahitabo bisan asa nga LGU, ang surge sa kaso sama na lang sa nahitabo sa National Capital Region (NCR).
RadyoMan Aimee Guinita
