Mandatory quarantine, ginpatuman sa apat ka mga empleyado sang Du Ek Sam Appliance Center nga nakatransaksyon sang COVID-19 positive nga taga-Roxas City!

Roxas City, Capiz – Naga-obserbar subong sang strict home quarantine ang apat ka mga empleyado sang Du Ek Sam(DES) Appliance Store Branch II nga ginapahayag na- contact sang 47-anyos nga taga-Dayao nga nagpositibo sa corona virus.
Suno sa impormasyon, nag-upod ang amo nga persona sa iya agud nga magbakal sang appliances sa nasambitan nga establisyemento komersyal. Apang nakit-an naman sa CCTV footage nga ang utod gid lamang sini ang nakig-transaksyon samtang siya ang nagpungko sa waiting area.
Kalakip sa mga ginpa-quarantine ang nag-asister sa utod sang pasyente, recepcionist, teller nga naghatag sang resibo kag ang driver nga nagdeliver sang appliances nga ginbakal.
Ang mga ini ang ginpaidalom naman sa rapid test samtang ginahulat pa sa subong ang schedule sang City Health Office para sa pag-disinfect sa amu nga establisemento.

Facebook Comments